Monday, January 18, 2016

සිවුරට නීති එපාද

බුද්ධාගම නම් වූ ළමයා බලාකියා ගන්නේ රජය නම්වූ භාරකරුවෙකි.මේ ළමයාට නීති රීති දැමීම ගැන කතාබහක් ඇතිවී තිබේ.නීතිරීති නැතිව ළමයෙක් බලාගන්නේ කෙසේද .මේ ළමයා වල්මත්වීමට ඉඩ ඇත.

මෙම නීති රජයේ උවමනාවට හැදූ ඒවා නොව ආගමික නායකයන්ගේ උවමනාවට හැදූ ඒවායි ඇත්තෙන්ම ඔවුහු දීර්ඝකාලයක් තිස්සේ මෙම ඉල්ලීම කලහ.ඔවුන්ට එම ඉල්ලීම කරන්නට සිදුවුනේ භික්ෂූන්ගේ නොමනා හැසිරීම නිසාය. ඇත්තෙන්ම ඔළුවට අතහේදුවත් සාදු සාදු කියා කියන ජනතාවක් වෙසෙන රටක භික්ෂූන් මෙසේ පිස්සු නැටීම පුදුමයක්ද නැත.

නායක හාමුදුරුවරුන්ට පිස්සු නටන භික්ෂූන්ට දඩුවම් දීමේ හැකියාවක් නැත. මෙම නීති වලින් පිස්සු නටන අය මෙල්ල කිරීමට නායක ස්වාමීන් වහන්සේලාට බලය දෙනු ලැබේ. එය අවශ්‍යම දෙයකි.

බුදුදහම පිලිපැදීම හැර අන් සියල්ලම භික්ෂූහු කරති. ඔවුන් කල බරපතලම ආක්‍රමනය නම් පාර්ලිමේන්තු යාමයි. ගුරුකම් ,රැකියා කිරීම් ආදී තමන්ට අයත් නැති බොහෝ දේද ඊට අමතරව කරති.



ගිහියන්ගෙන් විරෝධයක් එල්ල වීමට පෙර නායක හිමිවරුන් මෙසේ රජයෙන් ඉල්ලීමක් කිරීම ප්‍රඥාගෝචරය.එහෙත් දැන් නායක හිමිවරු පසෙකට වී සිටිති. දේශපාලන උප්පරවැට්ටිකාරයෝ මෙයින් අයුතු ප්‍රයෝජන ගෙන මෙය රජය භික්ෂු හඩ මර්ධනය කිරීමට යෙදූ උපායක් කියා කියති.

භික්ෂූන් හඩ නගන්නේ කුමකටද. ඔවුන්ට පැවරී ඇතැයි ඔවුන් කියන යුතුකමකටය. මෙහිලා හොදම උදාහරනය වාරියපොල හිමිය. ඇත්තෙන්ම එදා වාරියපොල හිමි කලේ අනවශ්ය නිෂ්ප්‍රයෝජන වැඩකි. උඩරට ප්‍රදේශ ඉංග්‍රීසීන් ට පවරා දීමේ ගිවිසුම අත්සන් කිරීමේ කාලවේලා ප්‍රශ්නයක් එහිදී හේතු විය.කෙසේ වෙතත් මේ ඊනියා වගකීම නිසා භික්ෂුවගේ ආගමික වගකීම් පැහැරහැරීමට මෙන්ම විවිධ පක්ශවලට බැදී දේශපලානය කරමින් සිවුර යුනිෆෝම් එකක් කරගෙන ගිහියොත් නොකරන නොපනත්කම් කිරීමට ආවරනයක් කරගෙන ඇත.

මෙම නීති පමා වී හෝ ගත් කාලෝචිත පියවරකි.බලමු ගනින්නාන්සේලා මීට කුමක් කරයිද කියා

16 comments:

  1. බුදුදහම සුරක්ෂිත කර පෝෂණය කිරීම ජනරජයේ වගකීමක් කියා ව්‍යවස්ථාවට එකතු කළේ ජේ ආර්. ඊට කලින් ‍සෝල්බර් ව්‍යවස්ථාව වත් 72 ජනරජ ව්‍යවස්ථාවෙ වත් එහෙම එකක් තිබ්බෙ නෑ.

    මං අහන්නෙ මොකටද, එහෙම රාජ්‍ය අනුග්‍රහයක්? ඒක නැතුව බුද්ධාගමට පවතින්න බැරිද?

    අනික් අතට ආරක්ෂා කර පෝෂණය කරන්න රජයක් කළ යුත්තේ මොනවද?

    ReplyDelete
    Replies
    1. ඔය වගන්තිය තිබ්බ කියල සත පහක වැඩක් නෑ. ඕක දැන් අයින් කරන්නත් කාටවත්ම බෑ. ඕක දාල නැති ප්‍රශ්නයක් ඇතිකලා කියලයි මට හිතෙන්නෙ.

      Delete
    2. මං අහන්නෙ මොකටද, එහෙම රාජ්‍ය අනුග්‍රහයක්? ඒක නැතුව බුද්ධාගමට පවතින්න බැරිද?

      ඉන්දියාව (බුදුන් උපන් රට), ඉන්දුනීසියාව (ලොව විශාලම ආරාම සංකීර්ණය පිහිටි රට), ඇෆ්ගනිස්ථානය (මැද පෙරදිගට සහ අපරදිගට බුදු දහම බෙදා හල කේන්ද්‍රස්ථානය) වැනි රටවල පවතින තත්වයෙන් ලංකාවේ බුදුදහම පවත්වා ගැනීම පිණිස නම් රාජ්‍යානුග්‍රහයක් අවශ්‍ය නැත.

      Delete
    3. මටත් තියන ගැටළුව ඒකයි. ඇයි එහෙම වෙන්නෙ. මොකක්ද බුදුදහමට තියන අනික් ආගම්වලට නැති දුර්වලකම. එහෙම දුර්වලකමක් තියනවනම් ඒක හදාගනිමු. ආන්ඩුවෙ ලමා නිවාසෙට යන්නම හදන්නෙ නැතිව.

      Delete
    4. බුදුදහමට තියන අනික් ආගම්වලට නැති දුර්වලකම එහි පවතින "ලෝකෝත්තර" ස්වභාවයයි.

      අනෙක් ආගම්, විශේෂයෙන් මැද පෙරදිග ඒවා චණ්ඩ (aggressive) ලෙස ලෞකිකත්වය ප්‍රචලිත කරන අතර බුදුදහම ලෝකයෙන් වියෝ වීමේ ප්‍රතිපත්ති අනුගමනය කරයි. මේ හේතුවෙන් බාහිර බලයක් විසින් නොමඩන ලද්දේ නම් අර කී ආගම් විසින් බුදුදහම ප්‍රතිස්ථාපනය කිරීම නොවැළක්විය හැකි ධර්මතාවයකි.

      Delete
    5. ඔබ කියන කාරනයෙ බරපතල සත්‍යයක් තිබෙනවා. ඒ වගේම ආගම වෙනුවෙන් යුද්ධ කරන්නත් වෙනත් ආගම්වල අවසර දීල තිබෙනවා.බෞද්ධ මූලධර්ම අනුව බුදුසසුන ආරක්ෂා කිරීමට විශේෂ ප්‍රයත්න දැරිය යුතුයි. නමුත් ඔය බැකෝවල නගින පාරෙ බුදියන හාමුදුරුවරු නිසා බුදුසසුනටත් බුදුදහමටත් ඇතිවෙන්නෙ අපකීර්තියක් නේද.
      බුදුදහම ලොව ජයගතයුත්තෙ ඊට ආවේණික අවිහිංසාව, භාවනවා,සහනශීලීත්වය වගෙ දේවල් වලින්. වර්තමාන ලෝකෙ මාකට් වෙන්නෙ ඒව. විශේෂයෙන් උගතුන් අතර.

      නමුත් බෞද්ධයන් වෙනත් ආගම්වල සමහර දේවල් ණයට ගැනීමෙන් වෙන්නෙ බුරන්න හපන්න පුරුදුවුන පූසට වුන දේ.පූසගෙ කතාව කියන්නම්.

      මම පූසෙක් ගෙනාව . ඌ පූසෙක් හැටියට කීර්තියක් ලැබුව. පූසො නැතිගෙවල්වලින් අපි ගෙදර ආව පූස බලන්න. ඒ අය බල්ලන්ගෙන් කාලයක් තිස්සෙ හිරිහැර විදපු අය. පූස ඔහොම ඉන්නකොට කල්පනා කෙරුව ඇ‍යි අනෙක් ගෙවල්වල පූසො නැත්තෙ කියල. ඌ දැනගත්ත ඒ ගෙවල්වලත් ඉස්සර පූසො හිටිය නමුත් බල්ලො ආවට පස්සෙ පූසො වදවෙලා ගියා කියල. මේක හිතට ගත්ත අපේ පූස එදා ඉදන් බල්ලෙක් වගෙ බුරන්නත් හපන්නත් පටන් ගත්ත. වෙන ගෙවල්වල අය කැට් කියල ගූගල් සර්ච් කරපුවම ආවෙ බල්ලෙකුටත් නැති පූසෙකුටත් නැති අරුම පුදුම සතෙක්.ඌ බුරනව හපනව පාරෙ බුදියනව වාහන උඩ නගිනව කම්බි වැටවලින් පනිනව එක ජංජාලයයි. ඒකෙන් වුනේ සමස්ත පූස් සභාවටම අපකීර්තියක්. හොද පූසන්ටත් තැනක් නැතිවුනා. පූස බලහත්කාරෙන් වොචර් ජොබ් එක බාරගන්නෙ නැතිව සිටියනම් ඉවරනෙ.

      පූස පූසෙක් විදියට සාන්ත දාන්තව ඤාව් ඤාව් ගගා උන්නනම් වෙන ගෙවල්වල අය බල්ලො පන්නල පූසො හදන්නත් ඉඩ තිබුන. දැන් බලපුවම බල්ලොයි පූසොයි අතර වෙනසක් නෑනෙ.

      Delete
  2. මේක ටිකක් කතා කරන්න අමාරු මාතෘකාවක්. හමුදුරුවන්ටම කතා කරගනන් දුන්නම ඉවරයි.

    ReplyDelete
    Replies
    1. වෙනත් ආගම්වල නම් ප්‍රධාන පූජකයට පුලුවන් පිස්සු කෙලින අයව ඉවත් කරන්න. ඒ අයට වෙන තැනක පල්ලියක් අටවගන්නත් බෑ. එහෙමනම් ආගමෙන්ම අයින් වෙන්න ඕන. නමුත් බුද්ධාගමේ නිදහස නිසා එහෙම අයින් කරන්නත් අමාරුයි. මාර පුරස්නයක් මේක.
      ධර්මාශෝක හා පරාක්‍රමබාහු රජවරු දුසිල්වත් චීවරධාරීන් ඉවත් කලා. රජයකට මෙය කල හැකියි. භික්ශූන්ට නීති දාන්න ගිහියන්ට බෑ කියන්නෙ විකාර තර්කයක්.

      Delete
    2. "හමුදුරුවන්ටම කතා කරගනන් දුන්නම ඉවරයි" නම් පනතක් ගෙන ඒම අවශ්‍ය නැත. එසේනම් ගිහි අප කළ යුත්තේ පනත අස් කර ගැනීමට "ගිහි" ආණ්ඩුවට බල කිරීමයි.

      Delete
    3. ගිහි ආන්ඩු පැවිදි ආන්ඩු කියල දෙකක් නෑ. සිවුරක් පොරවගත්ත කියල ඒ අය අමුතු හාස්කම් තියන අය නෙමෙයි. සිල්වත් හාමුදුරුවරුන්ටත් තැනක් නැත්තෙ මේ දේවදත්තයො නිසා.

      Delete
    4. ඔබ බුද්ධාගම ක්‍රිස්තියානිකරණය වෙනුවෙන් අවිඥානිකව හෝ පෙනී සිටින බව පෙනේ. එසේනම් ඔබට ගැළපෙන තැන "අසපුව" නම් වේ.

      Delete
    5. ක්‍රිස්තියානිය නොව මූලික බෞද්ධ හරයන් වෙත ආපසු යා යුතු අතර එහිදී ප්‍රාග් බෞද්ධ උරුමයන්ට වඩා අදට ගැලපෙන සදාතනික අංග කෙරෙහි අවධානය යොමු කල යුතුය. භාවනාව හා මනෝ විද්‍යාත්මක උපදේශනය එහිලා ප්‍රධානය. බුදුදහම සර්වකාලීන සර්වව්‍යාපී දහමක් විය යුතු අතර එය තව දුරටත් රාජ කතා චෝර කතා අතර සිරවිය යුතු නැත.

      Delete
    6. "මූලික බෞද්ධ හරයන්" කවරේද ?
      මේ පිළිබඳ එකඟතාවයක් රහිතව මේ සංවාදය නිෂ්ඵලය.

      "අදට ගැලපෙන සදාතනික අංග" ලෙස ඔබ හඳුනා ගන්නා දේ ඒ "මූලික බෞද්ධ හරයන්"ට එකඟ වේද නැත්ද යන්න තීරණය කරන්නේ කවුද? ඒවා ක්‍රිස්තියානි නුතනත්ව වටිනාකම්ම නොවන බවට ඔබට සහතිකද ?

      බුදුදහම සර්වකාලීන සර්වව්‍යාපී දහමක් විය යුතු ඇයි ?

      Delete
  3. ඔබ ඉදිරිපත් කරන කරුණු එකිනෙක ගෙන විග්‍රහ කළ යුතුය. එබැවින් එය මෙතැන නොකර සිටිමි. එහෙත්, ඔබ තර්කයක් ලෙස ඉදිරිපත් කරන "ධර්මාශෝක හා පරාක්‍රමබාහු රජවරු දුසිල්වත් චීවරධාරීන් ඉවත් කලා. රජයකට මෙය කල හැකියි. භික්ශූන්ට නීති දාන්න ගිහියන්ට බෑ කියන්නෙ විකාර තර්කයක්." යන්න පිලිබඳ අදහස දක්වමි.

    1. ධර්මාශෝක ඔබ කියන දේ කළේ නැත. එය භික්ෂුන්ටම කර ගැනීමට පහසුකම් සැලැස්වීය. හැරත් එවැන්නක් කිරීමට ඔහුට දැනුම් තේරුම් තිබුණේ නැත.
    2. උපතින් බොදුනුවෙකු වූ පරාක්‍රමබාහු එය කළ බව මාද අසා තිබේ. ඒ සඳහා ඔහුට දැනීම තිබෙන්නට ඇතුවා වුවත් ඔහුද එය හිතුමනාපේ කරන්නට ගියේ නැත. ඒ සඳහා මහතෙරවරුන්ගේ අනුග්‍රහය ලබා ගැනිණි.

    පහත ප්‍රශ්න සළකා බලන්න.

    * දැන් මේ පනත් ගෙනෙන්නට යන අය බෞද්ධ ද?
    * මේ පනත් සම්මත කරන්නට යන පාර්ලිමේන්තුවේ බෞද්ධ නියෝජනය කොපමණද?
    * ඒ අතරින් දහම් පිළිබඳ පාන්ඩිත්‍යයක් ඇති මන්ත්‍රී වරුන් කොපමණ සංඛ්‍යාවක් සිටීද?
    * කොටින්ම කියතොත් මෙවැනි නීති පැනවීමක් කිරීම පිණිස මේ ආණ්ඩුවට (පාර්ලිමේන්තුවේ සම්මත කළත් එය කෙරෙන්නේ ආණ්ඩුවේ උවමනාව මත වේ) ඇති සුදුසුකම කුමක්ද?

    ReplyDelete
    Replies
    1. ඒ සඳහා මහතෙරවරුන්ගේ අනුග්‍රහය ලබා ගැනිණි//එහෙම හරි කරන්නයි ඕන.
      බෞද්ධ නොවන අයට නීති ගේන්න පුලුවන්. නමුත් දැන් නම් නීතිගේන අය බෞද්ධබවයි පේන්නෙ. බෞද්ධ නොවුනත් අවුලක් නෑ.ඔවුන් මහජන නියෝජිතයොනෙ.
      කලින් කීව වගේ ආගම්භේදයක් නෑ.ප්‍රතිශතය කීය වුනත් මොකෝ.
      ආගම පිලිබද පාන්ඩිත්‍යයක් ඕන නෑ. ඊයෙ ටැලිවිසොන් එකේ හාමුදුරුකෙනෙක් කීව වගෙ පාරෙ බුදියන බැකෝවල නගින භික්ෂූන් මෙල්ල කරන එකයි කාලීන අවශ්‍යතාවය.
      ආන්ඩුව නැත්නම් වෙන කවුරු කරන්නද.ආන්ඩුව නියෝජනය කරන්නෙ ජනතාව. ප්‍රශ්නෙ තියෙන්නෙ මේ නීති සැර මදිවීම.

      Delete
    2. "පාරෙ බුදියන බැකෝවල නගින භික්ෂූන් මෙල්ල කරන එකයි කාලීන අවශ්‍යතාවය"
      --- බළලා මල්ලෙන් එලියට පැන ඇති බව පෙනේ.

      Delete